ජපානයේ සංචාරය කරන හෝ එහි රැුඳී සිටින්නට අදහස් කරන අය ඒ රටේ පවතින වෙනස් සම්ප‍්‍රදායන් කිහිපයක් ගැන දැනගත යුතු වෙනවා. ඒවා කිහිපයක් පහතින්
1* ජපනුන්ගේ හෝටලවල හෝ සේවා ස්ථානවලදී සේවකයින්ට ‘ටිප්’ දෙන්නට යාමෙන් වළකින්න. ඔවුන් එය තමන්ට කරන අගෞරවයක් ලෙස සලකන අතර නැවත ඒවා ඔබට භාර දෙනු ඇත.
2* ජපානයේ 4 අසුබය. ඔවුන් බටහිර අය 13 අසුබ යයි කියන ආකාරයට 4 ට අකමැතිය. ඇතැම් ගොඩනැගිලිවල 4 පමණක් නොව 40 සිට 49 දක්වා තට්ටුද නම් කරන්නේ නැත.
3*ජපානයේ නාසයේ සොටු සීරීම ප‍්‍රසිද්ධියේ නොකරන්න. එය මහත් පිළිකුල් සහගත ක‍්‍රියාවක් සේ ඔවුන් සලකනු ඇත.
4* පාරේ කෑම කමින් බීම බොමින් ඇවිදීම ජපානයේදී නොකරන්න. ඔවුන් තමන්ගේ ආහාරයට ගරු කළ යුතු බව සලකන ජාතියකි.එසේ කිරීම වරදක් ලෙස සලකන්නේ එබැවිනි.
5*ජපානයේ වැසිකිලි යාමට වෙනම සෙරප්පු පාවිච්චි කරන්න. සෑම නිවසකම හෝටලයකම වැසිකිලියාම වෙනම සෙරප්පු දමාගෙන සිදු කළ යුතු කටයුත්තක් ලෙස ඔවුහු තරයේ අදහති.
6*කෝච්චිවලදී ඇතැමුන් ඔබේ උරහිසේ නිදාගන්න දරන උත්සාහයට ඉඩදෙන්න. ජපානයේ දුම්රිය ආසනවල සිටින මගීන් දීර්ඝ ගමන් වලදී අසළ වාඩිවී සිටින නාඳුනන අයගේ උරයට හේත්තුවක් දමාගන්නට අවසර ඉල්ලන අතර එය නොගැළපෙන දෙයක් ලෙස ඔබ පුදුම විය යුතු නැත. එයට ඉඩදීම ඔවුන් සතුටක් ලෙස සලකනු ඇත.