මේ දිනවල ටෙලි නාට්‍යය කිහිපයකින්ම ඔබ හමුවන ධනංජි තාරුකා නව පරපුර අතර ජනප්‍රිය යොවුන් රංගන ශිල්පිණියකි. මේ දිනවල කලා කටයුතු නිසාවෙන් තරමක් කාර්යබහුලව සිටින ඇය අලුත් ටෙලි නාට්‍යයක රූපගත කිරීම් කටයුතු සඳහාද දායකව සිටියි. ඒ ආසිරි රණසිංහගේ "මන්දාරම් අහස" ටෙලි නාට්‍යය සඳහාය. එහි ඇය "මන්දාරා" නම් පාසල් යන ශිෂ්‍යාව ලෙස චරිත මවයි.
"පාසල් යන ශිෂ්‍යාවක් ලෙස මම ටෙලි නාට්‍යයක චරිත මවන්නේ පළමු පාරට. ඉතින් මේක මට විශේෂිත චරිතයක්. "අමන්දා" චරිතය ගත්තොත් ඇය ටිකක් දඟකාර ගතිපැවතුම් ඇති කෙනෙක්. ඒ වගේම අහිංසක කෙනෙක්. "අමන්දා"ගේ පුංචි කාලේ ඉඳලා යාළුවෙක් තමයි "අහස්" කියන්නේ. "අහස්" විදිහට රඟපාන්නේ දසුන් නිශාන්. "අහස්"ට "අමන්දා" ආදරේ කරනවා. ඒත්, "අමන්දා" වගේම "අහස්"ට ආදරය කරන තවත් ගෑණු ළමයි දෙන්නෙක් ඉන්නවා."මන්දාරා" (බුද්ධි ජයවර්ධන) හා "නෙතු" (ශෂි ඇන්ජලිනා) දෙන්නා. ඔය විදිහට තමයි "මන්දාරම් අහස" ටෙලි නාට්‍යයේ කතාව යන්නේ."
SPURCE- Saravita