පසුගිය කාලයේ ගීත වීඩියෝ සඳහා රංගනයෙන් දායක වූ ඕෂදී හිමාෂා ප්‍රසිද්ධියට පත් වූවේ එක්තරා ගීතයක් නිසාවෙනි. මේ දිනවලත් ඇය නැවතත් මියුසික් වීඩීයෝවක් හරහා ජනප්‍රිය වී තිබේ. ඒ 'අවාරේ අවාරේ' ගීත සමගිනි. මේ ගීතය ගායනා කරන්නේ කාගෙත් ආදරයට පත් තෙරුණි (මනීෂා චංචලා) සහ පූර්ණ සචින්ත විසිනි. අද කාලයේ අඩනිරුවත වෙළෙඳ වටිනාකමක් දීමට සැරසෙන නමුත්, වෙනස්ම ආකාරයේ වීඩියෝවක් සමගින් නිර්මාණය වූ ගීතයක් බව මෙය හැඳින්විය හැක.
මනීෂා චංචලා පිළිබඳව පසුගිය කාලයේ කතාබහට ලක් වූයේ ජනප්‍රිය රංගන ශිල්පිනියක ලෙසය. ඒ ආකාරයෙන් බොහෝ දෙනා අතරට කතාබහට ලක් වූ ඇය මේ වනවිට ගායිකාවක ලෙසද ජනප්‍රිය වී සිටියි. ගීතයකට මියුසික් වීඩියෝව යන කාරණාව අද ජනප්‍රියත්වයට හේතුවී තිබේ. ඒ හේතුවෙන් බොහෝ දෙනා විවිධ වූ මාතෘකා ඔස්සේ ගීත එළිදැක්වීමට කටයුතු යොදති. වෙනස් වූ තේමා ඔස්සේ නිර්මාණය වන මෙම ගීතය ආත්ම දෙකක් පිළිබඳව කියැවෙයි. ප්‍රථම ආත්මේදි තම ආදරේ අහිමි වූ අතර, දෙවැනි ආත්මයේදීද එවැනිම සිදුවීමක් සිදුවෙයි. ඒ ආකාරෙයන් කියැවෙන ගීතයද මෙම වීඩියෝව සඳහා බොහෝ ගැළපීමක් සිදුකරයි. ඇතැම් ගීතවල පද රචනාවට වෙනස්ම වූ අර්ථයක් ගෙන දෙන වීඩියෝ නිර්මාණය වූවත්, මෙම ගීතයේ පද රචනය සඳහා ඉතාමත් ගැළපෙන වීඩියෝවක් බව සඳහන් කරයි.
අද කාලීන වූ අඩ නිරුවත යන රැල්ල ඔස්සේ නොගොස් නිර්මාණය වන ගීතයක් ජනප්‍රිය වේවිද, නැතහොත් ඒ සඳහා නැරඹුම් සංඛ්‍යාවක් ඇතිවේද යන්න බොහෝ දෙනාට ගැටලුවක් මතුකර තිබුණි. ඒ ගැටලුවට පිළිතුරක් වශයෙන් මේ වනවිට එළිදැක්වෙන ගීත අතරින් බොහෝ දෙනාගේ අවධානය යොමු වූ ගීතයක් බවට %අවාරේ අවාරේ^ ගීතය පත්වී ඇත.
එළිදැක්වූ දිනය - 2017 ජුනි 16
ගායනය - පූර්ණ සචින්ත සහ මනීශා චංචලා
පදරචනය - ලසිත ජයනෙත්ති ආරච්චිගේ
සංගීතය - ඩිල්ෂාන් එල්. සිල්වා
