පාපන්දු තරුව පරදා ක්‍රිකට් තරුවට ජය - කෝලි මෙසීවත් පසුකර යයි

ලොව වැඩිම වෙළඳ වටිනාකමක් ඇති ක්‍රීඩකයන්ගේ ලැයිස්තුවේ  හත්වන ස්ථානය ඉන්දීය සුපිරි ක්‍රිකට් ක්‍රීඩක විරාත් කෝලි හට හිමිව තිබේ.

ලෝක ප්‍රකට ෆෝර්බ්ස් සඟරාවේ නවතම වර්ගීකරණය අනුව ඉන්දීය ක්‍රිකට් නායකයා සුපිරි පාපන්දු ක්‍රීඩක ලියොනොල් මෙසීවද පසුකර යාමට සමත්වීම විශේෂත්වයකි.

එහිදී කෝලිට ලැබී ඇති වෙලඳ වටිනාකම ඩොලර් මිලියන 14.5ක් ලෙස දැක්වෙන අතර,මෙසී හට ඩොලර් මිලියන 13.5ක වටිනාකමක් හිමිව ඇත.

මෙම ලැයිස්තුවේ පළමු තැන හිමිව ඇත්තේ ටෙනිස් ක්‍රීඩක රෝජර් ෆෙඩරර් හටයි.ඔහුගේ වටිනාකම ඩොලර් මිලියන 37.2ක් ලෙස සටහන්ව ඇත.

ඒ ඒ ක්‍රීඩකයන්ගේ වැටුප හා අනෙකුත් ආදායම් මාර්ග මත මෙම තොරාගැනීම සිදු කෙරෙයි.