අක්කා ෆීල්ඩ් එකේ නමක් දිනාගන්න කොට නංගි ෆීල්ඩ් එකට ඇවිල්ලත් නෑ.කොහොමහරි අක්කගේ විවාහ ජීවිතයත් එක්ක ෆීල්ඩ් එකට තාවකාලිකව සමුදෙනවනේ. ඊට පස්සේ හරි හරියට නංගි ෆීල්ඩ් එකේ වැඩ කරනවා.ආයෙත් අක්කා ෆීල්ඩ් එකට එනකොට නංගිත් ඉතාම ජනප්‍රිය රංගන ශිල්පිනියක්. වත්සලයි බුවනියි රූපෙන් ගත්තත් එක වගේ. කටහඬත් එහෙමයි. ඒ නිසා මේ අක්කා නගෝ ගනුදෙනුව නිසා හැම වෙලේම එක්කෙනෙක්ට පාඩුයි. මෙතනදි වැඩියෙන් පාඩු වුණේ වත්සලාට. මොකද වත්සලා මේ ෆීල්ඩ් එක අතහැරලම යනවානේ. ඇය එවැනි තීරණයක් ගන්නේ තමන්ගේ දරුවා වෙනුවෙන්.
නංගි නිසා යම් පාඩුවක් සිදු වුණත් අක්කලා නංගිලානේ කියලා ඒ ගැන අබමල් රේණුවක හිත් තැවුලක් ඇතිකර නොගන්න වත්සලා දන්නවා. එකම වගේ සහෝදරියක් හිටියාම ඉතිං මෙහෙම වෙන එක අහන්නත් දෙයක් ද?
වත්සලයි බුවීනියි කියන්නේ හරිම ආදරෙන් ඉන්න සහෝදරියන් දෙන්නෙක්. කාට මොන වැඩේ ගියත් මේ නිසා ගැටලුවක් නැහැ. වත්සලාට කොහොමත් ඕනවට වඩා කාර්‍යබහුල වෙන්න අපහසුයි. ඒ ඇය දැන් අම්මා කෙනෙක් නිසා. කොහොම වුණත් වත්සලා ඒ වෙද්දිත් ටෙලිනාට්‍යයක් සහ වෙළඳ දැන්වීම් නිසා තරමක් කාර්‍යබහුල වෙලා හිටියේ.