වාර්තාගත ආදායමක් උපයාගන්නට සමත් වූ චිත්‍රපටයක් සඳහා සිය කුළුඳුල් සිනමා රංගනය ලබාදීමට තමාට හැකවීම සතුට දනවන්නක් බව උතුරු ඉන්දීය සුපිරි ටෙලි නාට්‍යය නිළි මවුනි රෝයි ‘කෝයි මෝයි’ වෙබ් අඩවියට පවසා ඇත.
මවුනි මෙසේ සිය කුළුඳුල් සිනමා රංගනය ලබාදී ඇත්තේ මේ දිනවල ලොවපුරා අති සාර්ථකව තිරගත වන ‘ගෝල්ඩ්’ චිත්‍රපටයේය. මෙහි ඇය ආක්ෂෞ කුමාර්ගේ බිරිඳ ලෙස රංගනයෙන් දායක වෙයි. ‘ගෝල්ඩ්’ චිත්‍රපටයේ කළ රංගනය නිසාම ඇයට මේ වනවිට චිත්‍රපට කිහිපයක් සඳහා එක්වීමටද අවස්ථාව උදා වී ඇත. ලබන වසරේ තිරගත වීමට නියමිත අයන් මුඛර්ජිගේ ‘බ්‍රහම්ස්ටර්’ චිත්‍රපටයේද ඇය දුෂ්ඨ චරිතයක් නිරූපණය කරනු ලබයි.