මේ දිනවල සමාජ මාධ්‍ය හරහා තරුණයෙකු වෙඩින් එකකදී ඩාන්ස් කරන වීඩියෝවක් සැරිසරනවා. ඉතින් මේ වීඩියෝ එකේ ඉන්න කෙනාව අපිට හමු වුණා. ඒ තමයි දර්ශන දේවනාරායන. ඉතින් ඔහු අපිට මේ ජනප්‍රියත්වය ගැන කිව්වේ මේ විදිහට.
දර්ශන ගැන විස්තර කිව්වොත්?
මගේ නම දර්ශන දේවනාරායන. මම ඉගෙන ගත්තේ කොළඹ ආනන්ද විද්‍යාලයේ. මම ජයවර්ධනපුර විශ්වවිද්‍යාලයේ උපාධිධාරියෙක්. මේ දිනවල මම රැකියාවෙන් ඉවත් වෙලා විදේශගතවීමට සූදානමින් ඉන්නේ.
දර්ශන ගැන සමාජ මාධ්‍ය තුළ කතාවෙන්න පටන් ගත්තේ ඇයි?
වෙඩින් එකකට ගිහිල්ලා කරපු ඩාන්ස් එකක වීඩියෝ එකක් නිසානේ.
කොහොමද ඒ වීඩියෝ එක සෝෂල් මීඩියා එකේ ප්‍රචාරය වෙන්න පටන් ගත්තේ?
මගේ යාළුවෙක්ගේ අක්කා කෙනෙකුගේ වෙඩින් එකකට ගිහිල්ලා තමයි මේක වුණේ. අපි යාළුවෝ එක්ක එකතු වෙලා ෆන් එකක් අරගෙන ඩාන්ස් කරලා ඉවර වෙලා කෑම කන්න යද්දි තමයි ඔය සිංදුව ප්ලේ කළේ. එතකොට තමයි මම ඔය ඩාන්ස් එක කළේ. නමුත් මම ඔහොම ඩාන්ස් එකක් කළා කියලා මතකයක් තිබුණේ නැහැ. දවස් දෙකකට විතර පස්සේ ඔය වීඩියෝ එක අපේ ගෘප් එකකට දාලා තිබුණේ. එතකොට තමයි මටත් මතක් වුණේ මම මෙහෙම දෙයක් කළා කියලා. ඉතින් මේක මුලින්ම මගේ tik tok පේජ් එකට අප්ලෝඩ් කරා. ජනප්‍රියත්වක් ගන්න නෙවෙයි කළේ. ජොලියට වගේ. ඒකෙන් අරගෙන තමයි ෆේස්බුක් පේජ්වලින් අරගෙන දාලා තිබුණේ. ඊට පස්සේ තමයි වීඩියෝ එක ශෙයා වෙන්න ගත්තේ. මම වීඩියෝ එකින් භාගයයි දාලා තිබුණේ. ඊට පස්සේ මැසේජ් ආවා ෆුල් වීඩියෝ එක දාන්න කියලා.
මේ විදිහට ෂෙයා වෙලා ජනප්‍රිය වෙයි කියලා හිතුවද?
මෙහෙම ජනප්‍රිය වෙයි කියලා නම් හිතුවේ නැහැ. ඒත් ෂෙයාර් වෙයි කියලා හිතුවා. මොකද මේක බලන්න බලන්න මටත් ආසා හිතෙනවා.
මේ ජනප්‍රියත්වය නිසා කලා ක්ෂේත්‍රයෙන් හෝ නිරූපණයට වගේ දේවල්වලට ආරාධනා ලැබුණේ නැද්ද?
දැනට මට ටී.වී. කොමර්ෂල් දෙකකට ස්ක්‍රීන් ටෙස්ට් එකකට එන්න කියලා ආරාධනා ලැබුණා. ටී. වී. ප්‍රෝග්‍රෑම් එකකටත් ආරාධනා ලැබුණා. ටී. වී. එකකට ප්‍රසන්ටින් කරන්නත් ආරාධනා ලැබුණා. ඒවාට සහභාගී වෙන්නත් අදහසක් තියෙනවා. ඊට අමතරව මම සෝෂල් මීඩියා එක පැත්තෙන් වැඩක් කරන්න හිතාගෙන ඉන්නවා.
මේ ජනප්‍රියත්වයත් සමග තවත් වැඩ කරලා ජනප්‍රියත්වය රඳවා ගන්නද උත්සාහ කරන්නේ?
ඇත්තටම කිව්වොත් මේ ඩාන්ස් එක ප්‍රචාරය වෙලා තියෙන්නේ බීලා නටන එකක් විදිහටනේ. ඉතින් ඒක වෙනස් කරන විදිහේ වැඩ ටිකක් තමයි කරන්න හිතාගෙන ඉන්නේ.
මේ වීඩියෝ එක නිසා ගැහැනු ළමයන්ගෙන් ආදර යෝජනා ආවේ නැද්ද?
ගොඩාක් ඇවිත් තිබුණා. ගැහැනු ළමයි කෙලින්ම අහනවා. එහෙම අහන අයට මම හිනා මූණක් යවනවා. මටම පුදුමයි ඒ විදිහට අහන්න තරම් මම ජනප්‍රිය වුණු එක ගැන.
කැළුම් දේවින්ද