දක්ෂ, ජනප්‍රිය නිරූපිකාවක් සහ රංගන ශිල්පිනියක් තමයි චුලක්ෂි රණතුංග කියන්නේ. පසුගිය දා චුලක්ෂි විශේෂ වැඩසටහනක් සිදු කරා. ග්‍රාමීය රෝහලකට සහ දුප්පත් පාසලකට චුලක්ෂි සහ එයාගේ හිතවතුන් කිහිප දෙනෙක් එකතු වෙලා උදව් උපකාර කරලා තිබුණා. මේ දේවල් කරලා තියෙන්නේ චුලක්ෂිගේ උපන්දිනයකටවත් විශේෂ හේතුවකටවත් නෙවෙයි. චුලක්ෂිගේ හිතේ සතුට වෙනුවෙන් කියලා තමයි අපිට කිව්වේ.
රෝහලේ සිටින ගැබිණි මව්වරුන්ට අවශ්‍ය කරන දේවල් සහ රෝහලට ECG යන්ත්‍රයක් සහ ප්‍රෙෂර් පරික්ෂා කරන උපකරණයක් චුලක්ෂි එම රෝහලට පරිත්‍යාග කරලා තියෙනවා. ඊට අමතරව එම ප්‍රදේශයේ දුප්පත් පාසලක සිසුන් සඳහා අධ්‍යාපනික උපකරණත් පරිත්‍යාග කර තිබෙනවා.
