Valdir Segato නම් 50 හැවිරිදි බ්‍රසීල ජාතික කායවර්ධන ශිල්පියෙක් තම සිරුරෙ මාංශ පේශි වර්ධනය වෙනුවෙන් අධික ලෙස මේදය අඩංගු එන්නත් ශරීර ගත කර ගැනිමක් සම්බන්ධයෙන් විදෙස් මාධ්‍ය වාර්තා කර තිබෙනවා.
වෘත්තියෙන් කම්කරුවෙක් වන මොහු කුඩා කල සිටම තම ශරීරය වර්ධනය කර ගැනීමේ ආශාවෙන් පෙළී ඇති බව සඳහන්.
ඒ අනුව ඔහු කායවර්ධන මධ්‍යස්ථානයකට සම්බන්ධ වී සිය කායවර්ධන ව්‍යායාමයන්වල නිරත වුවත් ඔහුට ඉක්මනින් Hulk වැනි විශාල මාංශ පේශි සහිත ශරිරයක් අවශ්‍ය වූ නිසා කායවර්ධන ශිල්පීන්ට ලබා දෙන විවිධ එන්නත් ශරීර ගත කර ගැනීමට 2016 වසරේ සිට ඇබ්බැහි වී ඇති බවයි සදහන් වන්නේ.
අද වන විට ඔහුට මේ ඇබ්බැහි වීම නතර කරන ලෙස පැවසුවද ඔහු එය නතර නොකරන බවත් ඔහුට ඔහුගේ අවශ්‍යතාවය ඉෂ්ඨ වනතෙක්ම එන්නත් ශරීර ගත කරගන්නා බවත් ඔහු පවසනවා.
මේ කෘතිම එන්නත් වර්ග වන සින්ටෝන් ආදීය ශරීර ගත කර ගැනීම නිසා මේ වන විටත් ඔහු ස්නායු ආබාධ,ආමාශ ආබාධ, මස්තිෂ්ක ආඝාතය, ආසාදිත සංකූලතා වැනි වූ ජීවිත අවධානමට ලක් විය හැකි රෝගාබාධ බොහෝ ප්‍රමාණයකට ගොදුරු වී ඇති බවත් සදහන්.
