මේ දිනවල සිරස රූපවාහිනි නාලිකාවේ දිග හැරෙන ‘නීල පබලු’ ටෙලි නාට්යයේ ‘මොනිකා’ චරිතය හරහා රංගනයට පැමිණි අමන්දා ජයරත්න රූපවාහිනි වෙළෙඳ දැන්විම් බොහෝමයකින් වර්තමානයේ ප්රේක්ෂක ඔබ මුණ ගැසේ. ඉදිරියේදී ස්වාධින රූපවාහිනි නාලිකාවේ විකාශය වන ‘තෝඩු’ ටෙලි නාට්යය තුළින්ද අපට අමන්දා දැකගත හැකි වේ. ඒ පිළිබඳව ඇය අපිට දැක්වූ අදහස් කිහිපයකි මේ.
‘තෝඩු’ ටෙලි නාට්යයේ මම රඟපාන්නේ ‘පහන්දී’ කියන චරිතය. මේ දිනවල එහි රූපගත කිරිම් සිදුවෙනවා. නමුත්, ටෙලි නාට්යය තුළ තවමත් ‘පහන්දී’ කියන චරිතය විකාශය වුණේ නැහැ. තව නොබෝ දවසකින් ඒ චරිතය ප්රේක්ෂකයන්ට දැකගන්න පුළුවන්. මම නිළියක් වුණෞ මැතකදී. චම්පි සිරිවර්ධන මහත්මිය යටතේ මම ‘බ්රයිඩ්ල්’ පොටේ ෂූට්වලට ගොඩක් වෙලාවට පෙනී ඉඳලා තියෙනවා. ඊට අමතරව රූපවාහිනි වෙළෙඳ දැන්වීම්වලත් ඉඳලා තියෙනවා. වැඩ ගොඩකට ආරාධනා ලැබිලාත් තියෙනවා. ඒවා ඉදිරියට කියන්නම්