මේ දිනවල ස්වාධින රූපවාහිනි නාලිකාවේ දිග හැරෙන ‘තෝඩු’ ටෙලි නාට්‍යයේ ‘දිනිති’ ලෙස රංගනයෙන් දායක වෙන සෙව්වන්දි නයනතාරා ප්‍රේක්ෂකයන් අතර ක්‍රමයෙන් ජනප්‍රිය වෙමින් සිටින යොවුන් රංගන ශිල්පිනියක් ලෙස හැඳින්විය හැකිය. මේ වනවිට ඇය වැඩසටහන් ඉදිරිපත් කරන්නියක් ලෙසද කටයුතු කරමින් සිටින අතර, ඇය ඒ පිළිබඳව අපිට දැක්වුයේ මෙවැනි අදහසකි.
‘දෙරණ’ රූපවාහිනි නාලිකාවේ විකාශය වෙන ‘විවාහ’ මංගල වැඩසටහන මේ වනවිට ඉදිරිපත් කරන්නේ මම. දැන් මාස දෙකක් තිස්සේ මම මේ වැඩසටහන ඉදිරිපත් කරනවා. පළමු වතාවට නිවේදන කටයුතු කරන නිසා මේක මට අමුතුම අත්දැකිමක්. හොඳ රසික ප්‍රතිචාරත් ලැබෙනවා. ඊට අමතරව තවත් මේ වගේ වැඩටහන් කිහිපයක්ම ආරාධනාත් ලැබිලා තියෙනවා. රංගනය, නිවේදනයට අමතරව මේ දිනවල වෙළෙඳ දැන්වීම් කිහිපයකත් මම පෙනි සිටිනවා. ඒවාට නිතරම වගේ ආරාධනා ලැබෙනවා සම්බන්ධ වෙන්න කියලා. ඉතින් කලා ශිල්පිනියක් විදිහට මේ වැඩත් එක්ක ටිකක් විතර කාර්යබහුලයි.
