පවුලේ සාමාජිකයන් 14 දෙනෙකු ඝාතනය කරලා දිවි හානි කර ගත් පුද්ගලයකු පිළිබඳ ඉන්දියාවේ මුම්බායි නුවරින් වාර්තා වෙනවා.
වෘතියෙන් ගණකාධිකරවරයෙක් වන හස්නින් වරේකර් කියන තිස් පස් හැවිරිදි පුද්ගලයෙක් තමා මේ ඝාතන සියල්ලම කරලා තියෙන්නේ.
ඔහු විසින් මරා දැමුණු පවුලේ සාමාජිකයන් අතර දරුවන් හත් දෙනකු සහ ඔහුගේ දෙමව්පියන් ද සිටිනවා. මාස 3ක් වයසැති දරුවන් දෙදෙනෙකුත් මෙතන ඉඳලා තියෙනවලු.
ඔහු පවුලේ සාමාජිකයන්ගේ ආහාර වලට මත් ඖෂධ එක් කරලා කට්ටියම නින්දට ගියාට පස්සේ නිවසේ දොරගුළු සියල්ල වසා දැමුවට පස්සේ තමා මේ ඝාතන සියල්ල සිද්ධ කරලා තියෙන්නේ..සමහර අයව ගෙල සිරකර මරා දමලා, සමහර අයව පිහියෙන් ඇන කොටා මරා දමලා. අවසානයේදී හස්නින් වරේකර් ගෙළ වැළලාගෙන සියදිවි නසාගෙන.
මේ සිද්ධියෙන් දිවි බේරා ගැනීමට සමත් වෙලා තියෙන්නේ පවුලේ එකම සාමාජිකයා වන ඔහුගේ නැගණිය විතරයි. උපකාර ඉල්ලා කෑ ගැසීමත් සමග අසල්වැසියන් ඒ පිළිබඳ විමසිලිමත් වෙලා තියෙනවා.
අසල්වාසීන් කියන්නේ හස්නින් මීට කලිනුත් ඔහොම දෙයක් කරන්න උත්සහා කළා කියලයි. ඔහුගේ මානසික තත්ත්වයත් ඒ තරම් හොඳ නැහැ ලු.
මේ ඝාතකයා ලියුමකුත් ලියලා තියෙනවා. එකේ එක තැනක තියෙනවා මෙහෙම දෙයක්. ” මම හැමෝවම ඉවරයක් කරනවා”. කියලා.