අපේ වට පිටාවේ සිදුවන සමහරක් කඩාකප්පල්කාරි ක්රියාවන් මිනිස්සු කරනවද ? භූතයෝ කරනවද කියලා හිතා ගන්න බැහැ…
ඒ වගේම සිදුවීමක් තමයි හංවැල්ලේ වැලිකන්න ඇල්ලකන්ද ගම්මානයට වෙලා තියෙන්නේ.
ඇල්ලකන්ද පැත්තේ ගෙවල් වලට අභිහරස් විදිහට උදේ රැයක් නැතුව ගල් වදිනවා.
මේ ගමේ පවුල් 180ක් විතර ජීවත් වෙනවා.
ඒ අතර සිංහල පවුල් වගේම දෙමළ පවුල් ද ජීවත් වෙනවා. හැබැයි මෙයාලා කිසිදු ආගම් ජාති භේදයකින් තොරව හරිම සමගියෙන් තමයි ජීවත් වෙන්නේ.
පහුගිය පළවැනිදා ඉදන් තමයි අභිරහස් විදිහට මේ ගමේ ගෙවල් වලට ගල් ප්රහාර එල්ල වෙන්නේ.
ගමේ එකත පැත්තක කන්දක් වගේම ඒ හරියේ සොහොනකුත් තියෙනවා.
උදේ ඉදන් මහ රෑ වෙනකන්ම එල්ලවන මේ ගල් ප්රහාර නිසා ගමේ මිනිස්සු විදින්නේ පුදුම දුකක්.
මේ ගැන ඉවසගෙන ඉන්න බැරිම තැන ගම්වැසියන් හංවැල්ල පොලීසියට ගිහින් සිද්ධිය ගැන දැනුවත් කරලා තියෙනවා.
ඒ අනුව මේ ගමට ආපු පොලීසියටත් ගල් ප්රහාර එල්ල වෙලා. පොලිස් කොස්තාපල්වරයෙක්ගේ තොප්පියට උඩින් ද ගල් ප්රහාරයක් එල්ල වෙලා තියෙනවා.
ඊට පස්සේ ඉතිං මේ පොලිස් නිලධාරීන් කියලා තියෙන්නේ “ඔයාලට ගල්ගහන පුද්ගලයන්ව අල්ලලා පොලීසියට ගෙනත් භාරදෙන්න” කියලා.
ඒත් ගම්වැසියන් නම් කියන්නේ එයාලාට ගල් ගහන මේ පුද්ගලයින්ව අල්ල ගත්තොත් නම් හොදටම සලකනවා කියලයි.
මේ අභිරහස් ගල් ප්රහාරය ගැන ගමේ සමහරක් නම් කියන්නේ මේක භූතයෙක්ගේ වැඩක් කියලයි.
අපි බලමු ඇත්තටම මේ වැඩේ කරන්නේ භූතයෙක් ද ? නැත්නම් කකුල් දෙකේ මනුස්සයෙක් ද කියලා.