"උතුම් පැතුම්" ටෙලිනාට්‍යය තුළින් බොහෝ රසික සිත් සතන් උන්මාදයට පත්කළ "උත්පලා" චරිතයට පණපොවන ඉෂාරා සඳමිණිට පසුගියදා "වසරේ ජනතාවගේ නිළිය" ලෙස සම්මානයට පාත්‍රවිය. ඇය ඒ පිළිබඳව හඬ අවධි කළේ මෙලෙසිනි.
"ඇත්තටම කියන්න තියෙන්නෙ ගොඩාක් සතුටුයි. රංගන ජීවිතය තුළ මට ලැබුණු පළමුවැනි සම්මානය. ඒදේ ජනතාව ලබාදුන් සම්මානයක්. විශේෂයෙන් කියන්න ඕනේ මේක ඇත්තටම බලාපොරොත්තුවෙන් නෙමේ ගියේ. ගොඩාක් වෙලාවට ජනතාවගේ රංගන ශිල්පිනිය ලෙස සම්මාන දෙන්නේ, ගොඩාක් අවස්ථාවලදී SMS හෝ Postcard දාලයි. නමුත් මේ සම්මාන උලෙළේ තිබෙන විශේෂ දේ තමයි ඒ අය ඒ ඒ පළාත්වලට ගිහින් ජනතාවගේ කැමති නළුවා නිළිය අහලා සමීක්ෂණයක් කරලා තමයි මේ සම්මානය දෙනු ලැබුවේ. මේ ක්ෂේත්‍රයට ඇවිල්ලා මම යම් දෙයක් කළා කියන සතුට මට මුලින්ම දැනුණ වෙලාව තමයි මේ සම්මානය ලැබුණු මොහොත. මොකද මේදේ ගොඩක් සාධාරණව ලැබුණු දෙයක් කියලා තමයි මට හිතෙන්නෙ. අපි කොයි දේ කළත් අපට මුදලක් ලැබෙනවා තමයි. නමුත් වෙන රස්සාවක් කරනවාට වඩා අපට අපිවම රූපවාහිනිය තුළින් නැවත දකින්න හම්බවෙනවා. ඒදේ බලලා මිනිසුන් පිළිගත්තොත් තමයි නිර්මාණය සාර්ථක වෙන්නේ. ඒ වගේම ඒ අය පිළිගත්ත නිසා තමයි මට මේ සම්මානය ලැබුණේ."
ඩිලාන් ක්‍රිෂාන්ත/ඡායාරූප අනුග්‍රහය - ඉෂාරාගේ ෆේස්බුක් ගිණුම
