පිළියන්දල දම්පේ පැත්තේ බොල්ගොඩ ගඟ කිට්ටුව නාඳුනන පිරිමි මළ සිරුරක් හමුවුණේ පහුගිය අප්රියෙල් 17 වෙනිදා. එයා ගාව තිබිලා යතුරු කැරැල්ලක් පොලිසියට හමුවුණත් එතනින් එහාට මේ මළ සිරුර ගැන කිසිම හෝඩුවාවක් හොයාගන්න බැරි වුණා.
පසු ගිය 26 වෙනිදා ඒ පැත්තේ පොල් වත්තක හිමිකරුවෙකුගේ මල්ලි කෙනෙක් පොල් වත්තට ගියේ වත්තේ මුරකරුත් එක්ක කතා කරලා එන්න. ඒත් පිළියන්දල ආවාස පාරේ තියෙන මේ පොල් වත්තේ මුරකරු පේන්න හිටපු නැති නිසා පිළියන්දල පොලිසියට පැමිණිලි කරලා. එතැනදී තමා අභිරහසක් විදියට වැලලෙන්න තිබුණු මිනි මැරුමක තොරතුරු එකිනෙක එළිවෙන්න පටන් ගත්තේ.
මේ විදියට ඝාතනයට ලක් වුණේ 55 හැවිරිදි දයාසිරි අල්විස් නැමැති පුද්ගලයෙක්. ඕස්ට්රේලියාවේ ඉන්න අපේ රටේ කෙනෙකුට අයිති මේ පොල් වත්තේ මුරකාරයා විදියට තමා දයාසිරි වැඩ කළේ. ඒයා පිළියන්දල බටකැත්තර කාන්තාවක් එක්ක අනියම් සබඳතාවක් පවත්වාගෙන ගිහින්.
පහුගිය සිංහල අලුත් අවුරුද්දට පස්සේ දවසේ ඒ කියන්නේ 14 වෙනිදා දයාසිරි ඒ කාන්තාවට එන්න කියලා
කිව්වත් එයා ඇවිත් නැහැ. ඒ නිසා හොඳට මත්පැන් පානය කරපු දයාසිරි කාන්තාව හොයාගෙන එයාගේ බටකැත්තර ගෙදරට ගිය වෙලාවේ දෙන්නා අතරේ ආරවුලක් ඇති වෙලා. කතාව දුරදිග ගිහින් වත්තේ මුරකරු යකඩ පොල්ලකින් නිවසේ රුපවහිනියටටි යතුරු පැදියටයි පහරදීලා කාන්තාවටත් පහරදෙන්න හදද්දී යකඩ පොල්ල උදුරාගත්ත කාන්තාව දයාසිරිගේ ඔළුවට ගහලා එයා එතනම මිය ගිහින්.
කිව්වත් එයා ඇවිත් නැහැ. ඒ නිසා හොඳට මත්පැන් පානය කරපු දයාසිරි කාන්තාව හොයාගෙන එයාගේ බටකැත්තර ගෙදරට ගිය වෙලාවේ දෙන්නා අතරේ ආරවුලක් ඇති වෙලා. කතාව දුරදිග ගිහින් වත්තේ මුරකරු යකඩ පොල්ලකින් නිවසේ රුපවහිනියටටි යතුරු පැදියටයි පහරදීලා කාන්තාවටත් පහරදෙන්න හදද්දී යකඩ පොල්ල උදුරාගත්ත කාන්තාව දයාසිරිගේ ඔළුවට ගහලා එයා එතනම මිය ගිහින්.
මළ සිරුර වෙන තැනකට දාන්න මේ කාන්තාව තමන්ගේ සහෝදරයන්ගෙන් හා දරුවාගෙන් උදව් ඉල්ලුවත් එයාලා ඒ වැඩේට කැමති වෙලා නැහැ. පස්සේ මල්ලිව කොහොම හරි කැමති කරගත්ත ඒ කාන්තාව එයාගේ ත්රිවිල් එකෙන් තමා මේ මළ සිරුර බොල්ගොඩ ගඟ ගාවට ගෙනත් දාලා තියෙන්නේ.
සසුන් ගතවී සිටින දයාසිරිගේ එක පුතෙක්ගේ නමට එයා ෆෝන් එකක් අරන් තියෙනවා කියලා පොලිසිය පරීක්ෂණ වලදී හෙළිකර ගත්තා. ඒ පරීක්ෂණ වලට අනුව දයාසිරි ගාව තිබුණ ඒ දුරකතනයෙන් අන්තිමට ගත්ත ඇමතුමට අනුව තමයි කාන්තාව පොලිසියට කොටු වුණේ.
ඒ කාන්තාවගේ නිවස පිටුපස වීසිකර තිබු දයාසිරිගේ මේ දුරකතනය වගේම එයාව මරන්න පාවිච්චි කරපු යකඩ පොල්ලත් පොලිසියට හමුවුණා. ගේ පුරා විසිරුණු ලේ පාරවල් මැකෙන්න ඊට උඩින් සිමෙන්ති කුඩු දාලා තිබිලා.