රටම කතාවුණු මහිංයගනේ පුංචි පැටවුන්ගේ හීනේ සැබෑ කරමින් ගමෙන් කොළඹ අහස දකින්නට හිරු ගොසිප් අපිත් එක්ක ඔවුන් ආ ගමන - වීඩියෝ
‘‘මේ දෙන්නට හැඳිලා තියෙන රෝගේ කාටවත් බෝ වෙන්නේ නෑ, ඒ අය සමාජයෙන් කොන් කරන්න එපා‘‘
ලැබීම් නොලැබීම් උරුම ජීවිත ගමනේ අපිට අහන්න දකින්න ලැබෙන හුඟක් දේ හිතාගන්නත් අමාරුයි.
සමහර මිනිස්සු මේ ලෝකේ එළිය දකින්නේ සැප සම්පත් ගොන්නකටම උරුමකම් කියාගෙන. තවත් සමහරු දුක්, කඳුළු එක්ක, ප්රශ්න කන්දක් කර තියාගෙන ජීවිත ගමන අරඹනවා.
ඒ විදිහට නොසිතූ අවාසනාවක් එක්ක ජානගත රෝගයකින් මේ ලෝකේ එළිය දැකපු අහිංසක හිත් දෙකක් ගැන හිරු ගොසිප් අපි පළමුවෙන්ම ඔබ වෙත ගෙන ආවා මතක ඇති. මහිංයගනය ඔරුබැදිවැව මීවාගල ගමේ පදිංචි වෙලා ඉන්න බණ්ඩාර මැණිකා අම්මත්, කෞෂල්යා දුවත් පුතා ගුණරත්නත් මේ ගෙදර ඉඳන් ජීවිතේ ගෙනියනවා.
මේ අහිංසක දරුවෝ දෙන්නා මේ ගෙදරටම කොටුවෙලා හීන ගොඩක් මැද ජීවිතේ ගෙනියද්දි ඒ අයත් අපි හැමෝම වගේම මිනිසුන් බව පසක් කරමින් අපි ඔවුන්ව ලෝකය හමුවට විවර කරන්න හිතුවේ ඒ හිත්වලට පුංචි හරි සතුටක් එකතු කරන්න හිතාගෙන.
කවදාවත් ගමේ අහස ඇරෙන්න කොළඹ අහස නොදැකපු මේ අම්මත්, දරු දෙන්නත් කොළඹ එක්කගෙන එන්න අපි තීරණය කළේ ඒ නිසයි. ඒ හීන සැබෑවක් කරන්න අපි එයාලව හොයාගෙන මහියංගනයට යන්න තීරණය කළා.
ඒ යද්දිත් ජීවිතේ ගැන අලුත් බලාපොරොත්තුවක් එක්ක මේ පුංචි දුවත් පුතත් අපි එනකං මග බලාගෙන හිටියේ දහසක් දරුවන් වගේ මේ හිත්වලත් බලාපොරොත්තු වගේම සතුටත් තියෙනවා කියන හැගීම එක්කරමින්.
මේ හැමදේම එක්ක අපි බණ්ඩාර මැණිකා අම්මත්, කෞෂල්යා දුවත් ගුණරත්න පුතත් එක්ක කොළඹ එන්න පිටත්වුණා..
මුහුදු සුළගක් ඇගේ දැවටී නොතිබුණු මේ පුංචි දුවත් පුතාත් කොළඹ මුහුද ගාවට ආවම ඒ අයගේ මුහුණු ආදරණීය සතුටකින් පිරී ගියා. ඒ ගමන ගැන හිරු ගොසිප් අපි ඔබට කියන කතාවයි මේ.....
