විහාරස්ථානයක ගල් පර්වතයක තිබූ පොකුණකට වැටී අට හැවිරිදි පිරිමි දරුවකු මියගොස් ඇතැයි වැල්ලවාය පොලිස් බල ප්රදේශයට අයත් මහආරගමින් වාර්තා වේ.
මියගොස් ඇත්තේ වැල්ලවාය, මහආරගම ප්රදේශයේ පදිංචි මහආරගම විද්යාලයේ තුනේ පන්තියේ ඉගෙනුම ලැබූ එච්. පී. නිමේෂ් කාවින්ද නම් දරුවෙකි.
සිද්ධිය වූ පෙරේදා (28දා) සවස මෙම දරුවා තනිවම නිවෙස ඉදිරිපිට පිහිටි පන්සලට ගොස් ඇත්තේ විහාරාධිපති හිමියන්ගේ සැප දුක් විමසීමටය. ස්වාමීන් වහන්සේ මුණගැසීමෙන් අනතුරුව මෙම දරුවා තනිවම විහාරස්ථානය පිටුපස ගල් පර්වතයේ තිබූ පොකුණ බලන්නට ගොස් තිබේ.
සවස 6 පසුවන තුරුත් දරුවා යළි නිවෙසට නොපැමිණි බැවින් නිවැසියන් හා අසල්වාසීන් එක්ව පන්සල හා අවට වටපිටාවේ සොයා බලන අවස්ථාවේ පොකුණේ වැටී සිටි දරුවාගේ සිරුර හමුවී තිබේ.
මෙම මරණය සම්බන්ධයෙන් වූ හදිසි මරණ පරීක්ෂණය ඊයේ (29දා) වැල්ලවාය හදිසි මරණ පරීක්ෂක එච්. එම්. ජේ. හේරත් මහතා විසින් සිදුකිරීමට නියමිතව තිබූ අතර වැල්ලවාය පොලිස් ස්ථානාධිපති ප්රධාන පොලිස් පරීක්ෂක විජිත පෙරේරා මහතා සිද්ධිය සම්බන්ධයෙන් වැඩිදුර පරීක්ෂණ සිදුකරයි.
වැල්ලවාය – ජී. අයි. රොෂාන්
SOURCE- Gossipking