එරන්ලන්දු සහ සීරජ ටෙලිනාට්ය සමග මේ දිනවල පේ්රක්ෂක අවධානය තමා වෙත නතු කරගත් තාරකා වන්නිආරච්චි මේ දිනවල ”අලි ඇබැද්දියකට” මුහුණ දීලයි සිටින්නෙ. මේ අලි ඇබැද්දියට මුහුණ දුන්නේ ලංකාවේදී නම් නොවෙයි. තායිලන්තයේදීයි. තාරකා තායිලන්තයට ගිය හේතුව සහ ඇය මේ දිනවල මුහුණ දීලා සිටින මේ ඇබැද්දිය මොකක්ද කියලා අපි ඇයගෙන්ම අහමු.
තාරකා හදිසියේම තායිලන්තයට ගියේ ඇයි?
අලි කතාවකට මැදි වුණානෙ.
ඒ මොකක්ද?
මහාචාර්ය සුනිල් ආරියරත්නගේ අලූත්ම චිත්රපටයේ රූගත කිරීම් සඳහා තායිලන්තයට යන්න සිද්ධ වුණා.
එතකොට අලි කතාවක් කිව්වෙ?
ඒක ඇත්තටම අලි ගැන කියැවෙන කතාවක්. අලි කතාවක් කිව්වොත් හරි.
ඇයි එතකොට මේ අලි කතාව කරන්න තායිලන්තයට ගියේ?
ඒකට ගොඩාක් හීලෑ අලි අවශ්යයි. තායිලන්තයේ, රූගත කිරීම් සඳහා යොදා ගන්නා හීලෑ අලි සිටින බව තමයි දැන ගත්තෙ.
තායිලන්තයට ගිහින් ”අලි එක්ක” රූගත කිරීම්වලට සහභාගී වෙන්න බය හිතුණෙ නැද්ද?
වතාවක් මට මෙහිදී අලි සමග රූගත කිරීම් කරන්න සිද්ධ වුණා. හැබැයි අපේ රටේදී නිසා එදා බයක් ඇතිවුණේ නැහැ. නමුත් මේ අත්දැකීම ටිකක් නුහුරු නිසා, ඒ අලි මොන වගේද කියා දන්නේ නැති නිසා ටිකක් බය ගතියක් දැනෙනවා.
කොච්චර කාලයක් මේ විදිහට තායිලන්ත අලි එක්ක ගත කරන්න වෙනවද?
රූගත කිරීම් සඳහා සතියක විතර කාලයක් තමයි තියෙන්නෙ.
ඉතින් කොහොමද වෙනත් විස්තර එහෙම?
මේ දිනවල විකාශය කෙරෙන ‘‘එරන්ලන්දු’’ නිසා ශ්රී ලංකාවේ පේ්රක්ෂකයින්ගෙන් වගේම, විදේශීය රටවල වෙසෙන අපේ පේ්රක්ෂකයින්ගෙනුත් හොඳ ප්රතිචාර ලැබෙන්නෙ. ඊට අමතරව ‘‘සීරජ’’ ගැනත් බොහෝදෙනා කතාවෙනවා. මම දායක වූ තව නාට්යයක් ළඟදීම විකාශයට නියමිතයි. ඒකෙ නම නූරි. ඒත් එක්කම අලූත් රියැලිටි වැඩ සටහනකටත් දායකවීමට සුදානමින් සිටින්නෙ. ‘‘හිරු’’ නාලිකාව ගෙන එන එහි නම ‘‘තරුමන්දාකිණි’’
එරන්ළන්දු, නදී සහ සීරජ පුණ්ණා ගැන හිතෙන්නෙ කොහොමද?
පුණ්ණා කියන්නෙ ධාතුසේන රජු රාජාභික්ෂේකයට පෙර ආවාහ කරගෙන සිටි කාන්තාවයි. මේ නාට්යයේ රූගත කිරීම් සඳහා අපට ඇඹිලිපිටිය, අනුරාධපුරය වැනි ප්රදේශවලට යන්න වුණා. සටන් ජවනිකා වලටත් පෙනී සිටින්න සිදුවුණා. එරන්ළන්ඳු - නදීට බොහෝදෙනා ආදරේ වග මට දැනෙනවා.
මේ දක්වා ඒ විදියට දායක වූ චරිත අතරින් මිනිස්සු වැඩිපුර ඔබ ගැන කතාවන්නෙ?
බොහෝදෙනෙක් ‘‘දේවි’’ කියලා කියනවා. තවත් සමහරු හෝ පළු අරණේ සුද්දි කියලත් කතා කරනවා.
ගෙදර අය කතා කරන්නෙ කොහොමද?
‘‘චූටි’’ කියලා
පවුලේ බාලයා නිසාද?
මායි - අක්කයි විතරනෙ ළමයින්ට ඉන්නෙ
අක්කා මොනවද කරන්නෙ?
අක්කා විදෙස්ගතවෙලා ඉන්නෙ.
තාරකා රඟපෑ චරිතවලට මිනිස්සු ආදරය කරන බව කිව්වනෙ. ඒ ආදරය හැබෑවට ජීවිතයට ලබන්න අදහසක් නැද්ද?
ඇත්තම කිව්වොත් මේ පේ්රක්ෂක ආදරය තරම් වටිනා දෙයක් මට තවත් නැහැ. ඒක වචනයෙන් කියන්න බැරි තරමේ සතුටක්. ‘‘ආදරය’‘ මගෙ ජීවිතයට දැන්ම අවශ්ය නැහැ.
ඇයි ආදරය කරලම නැද්ද?
තියෙනවා.
එහිදී දුකක්ද? සතුටක්ද ජීවිතයට ගෙන දුන්නෙ?
දුකක් තමයි වුණේ. ඒත් අද හිතෙන්නෙ ඒක ඒ විදියට වෙච්ච එක හොඳයි කියලයි.
ඔබ හිතන විදියට ‘‘ආදරය’’ මොකක්ද?
හරි විදියට කළොත් හරිම සුන්දර දෙයක්.
ලංකාව ඇතුළෙ ‘‘ආදරය’’ කොහොම වෙනවා කියලද හිතන්නෙ?
මං පුද්ගලිකව හිතන්නෙ වැඩිපුරම ඒ නිසා විරහාව වෙනවද මන්දා. මොකද වැඩි හරියක්ම ලියැවෙන්නෙත් විරහ ගීතමනෙ.
තායිලන්තය ගැන මොකද හිතෙන්නෙ?
අපේ රටේ වගේම පරිසරයක් තියෙන රටක්. මම මේ රටට ආවේ දෙවැනි වතාවටයි.
සටහන / ඡායාරූප - සඳුන් ගමගේ
SOURCE- Saravita