සැම්සුන් සමාගම විසින් පසුගියදා වෙළඳපලට නිකුත්කළ අලුත්ම ජංගම දුරකථනයේ සිදුවුණු පිපිරීම් නිසාවෙන් ඒවා නැවත ගෙන්වාගන්නට එම සමාගම කටයුතු කළා. මේ නිසාවෙන් බොහෝ පාරිභෝගිකයින් පිරිසක් අපහසුතාවයට පත්වුණු බවට පුවත් රැසක් ලොව නන්දෙසින් වාර්තා වුණා.
මේ වන විට ඇපල් සමාගම විසින් මීට සති කිහිපයකට පමණ පෙර වෙළඳපලට නිකුත් කළ නවතම දුරකථනය වන iPhone 7 දුරකථනයද පිපිරීමකට ලක්වූ බවට පැවසෙන ඡායාරූප පෙලක් විදෙස් මාධ්ය විසින් පළකර තිබෙනවා.
එහි වැඩිදුරටත් පැවසෙන්නේ මෙම දුරකථනය පුපුරාගොස් ඇත්තේ එහි ඇසුරුම පවා ඉවත්කිරීමට පෙර බවයි. කෙසේ නමුත් මේ සම්බන්ධයෙන් ඇපල් සමාගම මේ වනතෙක් නිල නිවේදනයක් නිකුත් කර නොමැති අතර සැම්සුන් - ඇපල් අතර වෙළඳපලේ පවතින තරඟය නිසාම මේ පිළිබඳව බොහෝ පිරිසක් දැඩි අවධානය යොමුකර සිටිනවා.
SOURCE - Hirugossip