කාන්ස් සිනමා උළෙල ලොව පුරා සිනමා තාරකාවන් රැසක් බලාපොරොත්තුවෙන් සිටින සුවිශේෂී අවස්ථාවකි. එම අවස්ථාවට සම්බන්ධ වූ සුරූපී බොලිවුඩ් නිළි ඓශ්චර්යා රායිගේ ආකර්ෂණීය ඇඳුම් විලාසිතා නිසා ඇය වෙනදා මෙන්ම මෙම අවස්ථාවේදීත් කාගෙත් කතාබහට ලක් විය ඓශ්චර්යා ගේ දෝණි පුංචි ආරාධ්යාත් ඇය සමඟම මේ අවස්ථාවට එක්වීමත් විශේෂත්වයක් වුණා.
පසුගිය වතාවන්හිදීත් මේ සිනමා උළෙලට ඓශ්වර්යා සහභාගි වුණේ පුංචි ආරාධ්යා සමඟයි. ඉතාම අලංකාරව නිම වුණු රැලි සහිත රතු පැහැති ගවුම් විලාසිතාවෙන් හැඩවූ ඓශ්වර්යා සමඟම සිනාමසු මුහුණින් රෝස පැහැ ගවුමෙන් සැරසී පැමිණි මේ ආරාධ්යාත් මේ වතාවෙත් හැමෝගෙම අවධානය දිනා ගැනීම විශේෂත්වයක් . පුංචි ආරාධ්යා සුන්දර සිනහවෙන් මාධ්ය කැමරාවට පෙනී සිටියේ කිසිම ආගන්තුක බවක් නොපෙනෙන විදියටයි.