"මටත් එක එක ප්රශ්න ඇවිත් තියෙනවා.."
"ජනප්රිය නළුවෝ කිහිපදෙනෙක්ම ආදරේ ප්රකාශ කළා.."
මේ දිනවල පුංචි තිරයෙන් දකින්න ලැබෙන අහිංසකම චරිතය හැටියට දුෂේනි මියුරංගි කියන නවක නිළියව හඳුන්වන්න පුළුවන්.2015 වර්ෂයේ මෙරට රූ රැජිණ වුණෙත් ඇයයි. ලඟදී ඉන්දියාවේ පැවැත්වීමට නියමිත රූ රැජිණ තරගයකටත් සම්බන්ධ වෙන්න ඉන්න දුෂේනි ගැන හිරු ගොසිප් කතා කරන්න හිතුවා. මේ දුෂේනි හිරුත් එක්ක කළ සංවාද සටහනයි.
මේ දවස්වල අලුත් තොරතුරු මොනවද කියලම කතා බහ කරමු..?
මම අලුත් ටෙලි නාට්ය දෙකකට සම්බන්ධ වුණා. මේ නාට්ය දෙකේ වැඩකටයුතු දැන් ඉවරයි. ඒ නාට්ය දෙකම ලඟදීම විකාශය වෙයි.
පුංචි තිරයේදී වැඩිම ඉල්ලුම තියෙන්නේ අහිංසක පෙනුමක් තියෙන චරිත වලටද..?
ඔව්. මම රඟපෑ පළමු චරිතය අහිංසක යුවතියකගේ එකක්. ඒ චරිතය ජනප්රිය වෙනවත් එක්කම මට ගොඩක් නිර්මාණ ලැබුණා. ඒ හැම චරිතයක්ම අහිංසක චරිත. මගේ පෙනුමත් අහින්සකයිනේ. කොහොම නමුත් ඒ රාමුවෙන් මිදෙන්න නම් මමත් කැමතියි.
පෙනුම වගේම ඔබත් අහිංසකද..?
මමත් අහිංසකයි. ඒත් මට තරහා යනවා. තරහා ගිය වෙලාවට ගොඩක් ඉවසනවා. ඉවසගන්න බැරි වුණොත් නම් කෑගහනවා. මට වැඩිපුරම තරහා යන්නේ මගේ මල්ලී නිසා තමයි.
ඔබ රංගනයට එන්නේ අහම්බයෙන්. ගෙදරින් ලැබෙන සහයෝගය කොයි වගේද..?
අම්මයි තාත්තයි මල්ලියි මට ඉන්නේ. මේ අය මට ගොඩක් උදව් කරනවා. මගේ හැමදේකටම මාත් එක්ක එන්නේ අම්මා. තාත්තා මගේ හැම නිර්මාණයක්ම බලලා ඒවායේ හොද නරක කියනවා. මල්ලි නම් කියන්නේ මගේ වැරදිමයි.
අද සමාජයේ තියෙන තත්ත්වය හා රංගන ක්ෂේත්රයේ තියෙන ප්රශ්න එක්ක දුවක්ව කලාවට යොමු කිරීම ගැන ඒ අයට අසතුටක් බයක් නැද්ද..?
අදටත් මම ගැන මගේ දෙමාපියෝ බයෙන් ඉන්නේ. මටත් එක එක ප්රශ්න ඇවිත් තියෙනවා. අම්මා මගේ ලගින් ඉන්න නිසා ඒ ප්රශ්නවලින් මම බේරිලා තියෙනවා. අසතුටක් නැහැ. සතුටුයි.
නවක නිළියන්ට අධ්යක්ෂකවරුන් කරන අයුතු යෝජනාද ඔබට ප්රශ්නයක් වුණා කිව්වේ..?
මට නම් අම්මාගේ ආරක්ෂාව තියෙන නිසා ඒ වගේ බලපෑම් නම් ඇවිත් නැහැ. අපි හැසිරෙන විදිහ අනුව තමයි ඒ වගේ ප්රශ්න එන්නේ. මම දන්නවා මම ඉන්න ඕන විදිහ. අනිත් එක මම තවම හැමෝටම පොඩි එකෙක් වගෙයි. හැමෝම ආදරෙයි.
ඔබත් ජනප්රිය වෙන්න අඩනිරුවත් වෙනවද..?
මම නිරූපණ තරඟවලට අඩනිරුවත් වෙලා තියෙනවා. තරඟවලින් එහා මම අඩනිරුවත් වෙන්න කැමති නැහැ. මට අනවශ්ය විදිහට ශරීරය ආවරණය වෙන විලාසිතා කරන්න ගෙදරින් අවසර දෙන්නේ නැහැ. මමත් ආසයි පිළිවෙලට අඳින්න.
නිරූපණ ශිල්පිණියක් විදිහට ජාත්යන්තර තරඟවලට සම්බන්ධ වෙනවද කියලත් මතක් කරමු..?
ඔව්. ඉන්දියාවේ තියෙන තරගයකට සම්බන්ධ වෙන්න ආරාධනාවක් ලැබුණා.ලංකාව නියෝජනය කරමින්. ඒ පැජන්ට් එකට සම්බන්ධ වෙන්න මේ දවස්වල පුහුණුවීම් වෙනවා.
පෙම්වතියක්ද..?
තවම නැහැ.
නළුවන්ගෙන් පවා ආදරයට ඇරයුම් ලැබෙනවාලු ඇත්තද..?
ඔව්. ජනප්රිය නළුවෝ කිහිපදෙනෙක්ම ආදරෙයි කිව්වා. ඒත් මම ඒවා ප්රතික්ෂේප කළා.
