ගැබිණි කාන්තාවක් පිහියකින් ඇන ඝාතනය කර ඇයගේ කුසේ සිටි බිළිඳා එළියට ගත් කාන්තාවක් පිළිබද පුවතක් විදෙස් මාධ්ය වාර්තා කරනවා.
පසුගිය අඟහරුවදා බ්රසීලයේ මෙම සිදුවීම සිදුව ඇති බවයි වාර්තා වන්නේ.
සුලෙයින් කොයින්බ්රා ඩූ නමැති අදාල කාන්තාව ලුරිඩ් නයිරා සිල්වා නමැති ගැබිණි කාන්තාව මරා මාස 08ක් වයසැති දරු ගැබ, කුස ඉරා පිටතට ගෙන ඇති බව
විදෙස් මාධ්ය වැඩිදුරටත් වාර්තා කරනවා.
ඉපදීමට සිටින බිළිඳාට අවශ්ය ඇදුම් ලබා දෙන බව පවසමින් සැකකාර කාන්තාව ගැබිණි මව ඇයගේ නිවසට කැදවාගෙන ගොස් ඇති අතර එහදී මෙම ඝාතනය
සිදුකර ඇති බව සදහන්.
ඝාතනයෙන් පසු ඇයගේ නිවාස පිටුපස ගැබිණි කාන්තාව සහ මාස 08 වයසැති බිළිදු මළ සිරුර වළ දමා තිබියදී සොයාගෙන තිබෙනවා.
සැකකාර කාන්තාව පොලිසිය විසින් අත්අඩංගුවට ගෙන ඇති අතර ඇය 22 හැවිරිදි වියේ පසුවන කාන්තාවක් බවයි වාර්තා වන්නේ.
ඝාතනයට ලක්වූ 27 වන වියේ පසුවූ ගැබිණි කාන්තාව ඇය ගැබිනියක් බව පවසමින් සමාජ ජාල වෙබ් අඩවියක සටහනක් පලකර තිබෙනවා.
ඒ අනුව සැකකාරිය විසින් සමාජ ජාල මාධ්ය ඔස්සේ මිට මාස කිහිපයකට පෙර අදාල ගැබිණි කාන්තාව හදුනාගෙන ඇති බව සදහන්.
ඝාතනය සිදුකල කාන්තාවද ගැබ්බරව සිට ඇති අතර මීට මාස දෙකකට පෙර ඇයගේ දරු ගැබ ගබ්සා වී ඇති බවටයි තොරතුරු වාර්තා වන්නේ.
