තමන් දැඩි ලෙස රෝගාතුරව සිටින බවට සමාජජාල ඔස්සේ පළවන පුවත් සත්යතාවකින් තොර බවත් තමන් කායික මෙන්ම මුල්යමය අතින් ද යහපත් තත්වයක පසුවන බවත් සංගීතවේදී ජයන්ත රත්නායක ප්රකාශ කර තිබේ.
සිය ෆේස්බුක් ගිණුමෙහි සටහනක් තබමින් ඔහු මේ බව සඳහන් කර ඇත. එම සටහන පහතින්,
“සමාජ මාධ්ය හා වෙනත් මාධ්ය ඔස්සේ ප්රචාරය වන පුවතක් හේතුවෙන් ලොකු වැරදි වැටහීමක් හටගෙන ඇති බව පේනවා. මම කායික වගේම මුල්යමය වශයෙන් හොඳ තත්වයේ පසුවන බව සියලු දෙනාටම දැනුම් දෙන්න කැමතියි. මා ගැන සොයා බැලූ සියලු දෙනා මම ඉතා අගයකොට සලකනවා. ඒ වගේම ඔබ සියලු දෙනාට මම දැනුම් දෙන්න කැමතියි වංචාවන් සහ තමන්ට වාසි ලබා ගැනීමේ අරමුණින් ලැබුණු අවස්ථාවෙන් ප්රයෝජන ගන්නා පාර්ශවයන්ද මේ පුවත් පතුරවන්නන් අතර සමහර විට සිටිය හැකි බව. සත්යතාවකින් යුත් එකම කරුණ නම්, අප්රේල් 7 වැනිදා සවස 6.30 ට ඩී.එස්. සේනානායක විද්යාලයේ සංගීත ප්රසංගයක් පැවැත්වීමට මගේ සගයින් කටයුතු සංවිධාන කරන්නේ මගේ අවසරය ඇතිවයි. එහි ඉදිරිපත් කිරීම් සිදු කිරීමට කැමැත්තක් දක්වන අය එදින ප්රසංගයට සහභාගී වේවි. මෙම ප්රසංගය සංවිධාන කළ සහ එහි ඉදිරිපත් කිරීම් සිදු කිරීමට නියමිත පිරිසට මම මාගේ ස්තුතිය පුද කරනවා. මම හොඳින් සිටින බැවින් සහ මට අවශ්ය කරන සියලු දේ මා සතුව ඇති නිසා කිසිදු මුදල් පරිත්යාගයක් සිදු කිරීමට කරදර නොවන ලෙස මම කරුණාවෙන් ඉල්ලා සිටිනවා.
මම සෞඛ්ය අතින් වගේම මුල්යමය අතින් හොඳ තත්වයක පසුවන බව නැවත මතක් කරන්න කැමතියි සහ සියලු දෙනා මා ගැන සොයා බැලීම සම්බන්ධයෙන් මම ඉතා අගය කොට සලකනවා. නමුත් මට පරිත්යාගයක් බව සඳහන් කරමින් සිදු කරන වංචා ගැන අවධානයෙන් සිටින ලෙස මම ඉල්ලා සිටිනවා. මට විශාල පණිවිඩ ප්රමාණයක් පැමිණෙන නිසා එකින් එකට පිළිතුරු සැපයීමට නොහැකි වුණානම් ඒ ගැන මම සමාව ඉල්ලා සිටිනවා. මම දුරකතන ඇමතුම්වලට පිළිතුරු නොදුන්නේ නම් ඒ ඉක්මනින් සුවය ලැබීමට විවේක ගන්නා බැවිනි.”
උපුටා ගැනීමකි
