මට අවශ්ය නැහැ ලොකු බලාපොරොත්තු....
අපිට සුදු ජාතිකයින්ගෙන් විමසන්න බැහැ ඇයි ඔවුන් සුදු පාට කියලා..
මලයාලම් සිනමාපට හරහා ප්රේක්ෂක සිත් වසඟයට ගත්ත "සායි පල්ලවී" කෙටි කාලයකින් ජනප්රියත්වයේ ඉහළටම ආපු කෙනෙක්.
"කාලි", "ප්රේමම්", "ෆීඩා", "මාරි 2" වැනි චිත්රපටවලින් දක්ෂතා පෙන්නපු සායි පල්ලවී වෘත්තියෙන් වෛද්යවරියක් බව ඔබ නොදන්නවත් ඇති.
දමිළ සිනමාවේ සුපිරි තරුවක් විදිහට කවුරුත් දන්න "සූර්යාගේ" නවතම චිත්රපටය වන NGK චිත්රපටියෙනුත් ඇය නුදුරු දිනයක කලඑළි බහින්න සුදානම්.
ෆිල්ම් ෆෙයාර් සම්මාන කිහිපයකටම හිමිකම් කියන්න සමත් වුණූ ඇය ගැන ඉන්දීය මාධ්ය වාර්තා අලුත්ම පුවතක් වාර්තා කර තිබුණා.
ඒ ඇය විසින් ඉන්දීය රුපියල් කෝටි දෙකක (ලංකා මුදලින් රුපියල් කෝටි පහකට ආසන්න මුදලක්) රූපලාවන්ය සම්බන්ධ වෙළඳ දැන්වීමක් ප්රතික්ෂේප කළ පුවතයි.
එම දැන්වීම ප්රතික්ෂේප කරමින් ඇය කියා තිබුණේ ඇයට එතරම් විශාල මුදලකින් ප්රයෝජනයක් නැති බවයි.
"ඇඩ් එකකින් මෙච්චර මුදලක් අරන් මම මොනා කරන්නද? මම ගෙදර යනවා. දවසකට චපාති තුනක් හෝ බත් කනවා.... වාහනය අරගෙන රවුමක් යනවා... මට අවශ්ය නැහැ ලොකු බලාපොරොත්තු..... මගේ සතුටයි, ජනතාවගේ සතුටයි හොඳ මට්ටමක පවත්වාගෙන යන්න ඕනි... අසාධාරණයක් කරලා දවසක දුක් වෙන්න වෙයි...." ඇය එසේ පවසා තිබුණා.
