වෙළඳ දැන්වීම් නිර්මාණ අධ්‍යක්ෂවරයෙක් වන සුපුන් රත්නායක විටෙක ගී පද රචකයෙක්. තවත් විටෙක ලේඛකයෙක්. දැන් ඔහු ටෙලිනාට්‍ය අධ්‍යක්ෂණයටද පිවිසිලා. ඒ ඔහුම ලියූ ‘මගේ ආදර අවනඩුව’ නවකතාව පුංචි තිරයට රුගෙන ඇවිත්. මේ දිනවල සතියේ දිනවල රාත්‍රී 9.00 ට ස්වර්ණවාහිනීය ඔස්සේ ‘මගේ ආදර අවනඩුව’ ප්‍රේක්ෂක ඔබට බලන්න පුළුවන්. මේ සුපුන් ‘මගේ ආදර අවනඩුව’ ගැන හදසර සමඟ කළ කතාව.
මගේ ආදර අවනඩුව මොකක්ද මේ?
මේ මම ලියපු දෙවන නවකතාව වගේම මගේ පළමු ටෙලිනාට්‍ය අධ්‍යක්ෂණය.
මොකක්ද මේකේ අන්තර්ගත කතාව?
මුලික වෙන්නේ තාරැණ්‍යය. ආදරය තාරැණ්‍යය ජවය එක්‌වුණු කතාවක්.
ඇයි ඔබ මේ නවකතාව පුංචි තිරයට ගෙනාෙව්?
මෙහෙමයි, මට ඕනවෙලා තිබ්බේ අසීමාන්තික නිදහසකින් මේ කතාව සිනමාවට නගන්න. නමුත් ඒක ලෙහෙසි පහසු කාර්යයක් නෙවෙයි. ඉතින් මම හිතුවා මුලින් ටෙලි නාට්‍යයක් කරන්න. ඒ ඔස්සේ තමා මගේ ආදර අවනඩුව පුංචි තිරයට අාෙව.
නවකතාවේ වෙනස්කම් සිදු කළාද ටෙලි පිටපත ලියද්දි?
ඔව්. ටෙලිනාට්‍යයක් කරද්දී ලංකාවේ තියෙන විවිධ රාමුවලට මටත් කොටුවෙන්න වුණා. ඒ නිසා නවකතාවේ අර්ථයට හානි නොවන්න ටෙලි පිටපතේ පොඩි පොඩි වෙනස්කම් කළා.
මෙහි ප්‍රධාන චරිත ගැන කතා කළොත්?
මම මේ නවකතාව ලියන කාලේ ඉඳන් මගේ ඔළුවේ මැවුණු චරිත තමා මම සම්බන්ධ කරගත්තේ. මුලිකවම දසුන් පතිරණ, ධනංජය සිරිවර්ධන, ශලනි තාරකා සහ රිතූ ආකර්ෂා. ඒ වගේම තමා මම ඒ අයට මේ සඳහා කතා කළාම ඉතාම කැමති වුණා.
සෙසු රංගන ශිල්පීන් ගැනත් මතක් කරමු....
ගයත්‍රී ඩයස්, උමයංගනා වික්‍රමසිංහ, ගීතිකා රාජපක්ෂ, අනුරාධා එදිරිසිංහ, මනුරංග විජේසේකර, මිලින්ද මඩුගල්ල, දමයන්ති ෆොන්සේකා, කුසුම් රේණු, ඩබ්ලිව්. ජයසිරි, චාමර ප්‍රියදර්ශන, ජනක කුඹුකගේ, හෂිනිකා කරලියද්ද, චාමර කුමාර වගේ බොහෝ දෙනා ආදරය කරන පිරිසක් තමා ඉන්නේ.
ඔක්කොම ජනප්‍රිය ප්‍රවීණ පිරිසක් නේද යොදාගෙන තියෙන්නේ?
ඔව්. ඒකට හේතු කිහිපයක් තියෙනවා. එකක් තමා මම හිතන්නේ මම හිතින් මවාගෙන ලියූ චරිත ජීවමාන කරන්න පුළුවන් පිරිස තමා මම තෝරා ගත්තේ. මේ නාට්‍ය තාරැණ්‍යය මූලික වුණු නාට්‍යයක් නිසා ඒ චරිත හරියටම ගැළපුණා. තව දෙයක් කියනවා නම් මේ අය අත්දැකීම් ඇති අය නිසා මට වැඩ කරන්න පහසුවක් වුණා. ඒ වගේම මේ චරිත හරහා නාට්‍යයටත් අලුත් හැඩයක් ආවා.
කොටස් කීයක් තියෙනවද?
කොටස් 55යි.
නිෂ්පාදනය ගැනත් කතා කරමු?
මට නාට්‍යයක් කරන්න වුවමනාවක් තියෙනවා කියලා මම කිව්වා මගේ මිතුරන් දෙදෙනෙක් වන කසුන් ලියනගේට සහ ගයා කාංචනට. ඒ හරහා තමා මට අනුර ලියනආරච්චි හමුවුණේ.
ඔබේ පළමු නිර්මාණය ජාතික රෑපවාහිනිය විකාශය කරන්න කැමති වෙද්දී ඇයි ස්වර්ණවාහිනීයට දුන්නේ?
ඇත්තටම සිද්ධවුණේ මෙහෙම දෙයක්. මම මේ නාට්‍යයේ මුල් කොටස් 15 කරලා ජාතික රෑපවාහිනිය, ස්වාධීන රෑපවාහිනිය සහ ස්වර්ණවාහිනීය කියන ආයතන තුනටම භාර දුන්නා. නමුත් ස්වාධින රෑපවාහිනිය මුල් කොටස් 30ක් අවශ්‍ය බව කිව්ව නිසා මම එතනින් ඉවත් වුණා. ඊටපස්සේ මගේ නාට්‍යයට ජාතික රෑපවාහිනියේ නාට්‍ය අනුමණ්ඩලයෙන් ලකුණු 66ක් ලැබිලා මට කිව්වා සැප්තැම්බර් 26 වැනිදා සිට රාත්‍රී 7.30ට විකාශය කරන්න කියලා. ඒ වනවිට ස්වර්ණවාහිනියත් කැමතිවෙලා තිබ්බේ. හේතු කාරණා දෙකක් මත අවසානයේ නාට්‍ය ස්වර්ණවාහිනියට දෙන්න තීරණය කළා.
මොනවද ඒ හේතු කාරණා?
එකක් නාට්‍යයට සම්බන්ධ වුණු ප්‍රධාන චරිත කිහිපයක් විදෙස් ගතවෙලා හිටියේ. ඉතින් දෙවන රෑගත කිරීම් කරන්න ටික කාලයක් අවශ්‍ය වුණා. අනිත් දේ තමා මම කොහෙත්ම විශ්වාස කරන්නේ නෑ නිෂ්පාදකයා කලාකරැවෙක් කියලා. ඉතින් ඔහු කැමති වැඩි ආදායමක් ලබන්න. මේ සියල්ල මත තමා අවසානයේ ස්වර්ණවාහිනියේ විකාශ කරන්න හේතු වුණේ.
ලැබෙන ප්‍රතිචාර කොහොමද?
ඇත්තටම ඉතා හොඳ ප්‍රතිචාර ලැබෙනවා. පොතට ආදරය කළා වගේම බොහෝ දෙනෙක් නාට්‍යයට කැමැතියි. තාම විකාශය වෙන්න අරන් සති දෙකයි. මම හිතනවා ඉදිරියට මීට වඩා හොඳ ප්‍රතිචාර ලැබෙයි කියලා.
කොහොමද අත්දැකීම?
අත්දැකීම කියන්නේ මට පිටපත් රචනය අධ්‍යක්ෂණය අසීරැ වුණේ නැහැ. නමුත් නාට්‍යය පෙන්වන්න අනුමැතිය ලැබිලා විකාශය කරන දින තෙක් කාලය තමා මට දැනුණු අසීරැම කාලය. ඒක මෙහෙමයි කියන්නත් මට අමාරැයි. මම හිතන්නේ මේ හැඟීම හැම අධ්‍යක්ෂවරයෙක්ටම ඇති.
තව නිර්මාණ කරන්න අදහසක් තියෙනවද?
ටෙලිනාට්‍යයක් විදියට මේ නාට්‍යය විතරක් ඇති කියලා මම හිතනවා. මගේ බලාපොරොත්තුව සිනමා නිර්මාණයක් කරන්න. ඒ සඳහා මම මේක අත්දැකීමක් කරගන්නවා. සිනමාව සහ ටෙලිනාට්‍ය කියන්නේ අහස පොෙළාව වගේ. ඒ වගේම අධ්‍යක්ෂණ භූමිකාව ගත්තත් එකිනෙකට වෙනස්. නමුත් මගේ බලාපොරොත්තුව තියෙන්නේ සිනමාව තුළ.
අවසාන වශයෙන් කියන්න යමක් ඇති?
ඔව්. මගේ මේ පළමු නිර්මාණය සාර්ථක කරගන්න උදව් කළ දසුන්, ධනංජය, ශලනි, රීතු සහ උමයංගනා ඇතුළු දායක වුණු සියලුම රංගන ශිල්පීන්ටත් ඒ වගේම මේ නාට්‍යයට දායක වුණු තිරය හරහා නොපෙනුණු මුහුණු ගොඩක් තියෙනවා. ඒ හැමෝටම ස්තූතිවන්ත කරන්න හදසර අවස්ථාවක් කරගන්නවා. ඒ වගේම විශේෂයෙන් මතක් කරන්න ඕනේ. මේ මගේ පළමු ටෙලිනාට්‍ය අධ්‍යක්ෂණය. විකාශය කරන්න ජාතික රෑපවාහිනියත් කැමති වුණා. ඒකටත් නිර්මාණවේදියෙක් විදියට මම ස්තූතිවන්ත වෙනවා.
අනූ
