තුමිඳු දොඩන්තැන්න කියන්නේ අප රටේ දක්ෂ රංගන ශිල්පියෙක්. ඔහු මේ දිනවල ඉතාමත් ජනප්‍රියත්වයට පැමිණ තිබෙනවා. ඒ මේදිනවල විකාශයන වන කූඹියෝ නිසා, ඒ ගැන පැවසුවේ මෙවැන්නකි. “කූඹියෝ කියන්නෙ අපි කිහිපදෙනෙක් එකතු වෙලා කරපු වැඩක්. එහිදී රචකයා සහ අධ්‍යෂක්වරයා වුනේ මගේ මිත්‍රයා ලක්මාල් ධර්මරත්න. නිෂ්පාදකවරයා වුනේ මගේ සහෝදරයා අසංක දොඩන්තැන්න.මම එහි ප්‍රධාන චරිතයට පණ පොවනවා මගේ මිත්‍රයා කලණ ගුණසේකර සමග.කූඹියෝ ගැන කතා කතාකලොත් ඇත්තටම අපි හිතුවේ නෑ ප්‍රේක්ෂකයෝ කූඹියෝ එක්ක මෙච්චර සම්බන්ධ වෙයි කියලා.මොකද මේක වෙනස් විදිහේ නිර්මාණයක් නිසා.ඇත්තටම ටෙලි නාට්‍ය කලාව ගැන තියෙන අසුභවාදී ආකල්පයත් එක්ක කූඹීයෝට ලැබෙන ප්‍රතිචාරයට සතුටුයි. අපි හිතුවටත් වඩා කූඹියෝ ලොකු තැනක ඉන්නවා. ඉස්සර හැමෝම බැන්නේ ප්‍රේක්ෂකාගාරයට ටෙලි නාට්‍ය බලන් නෑ කියලා.නමුත් මේ නිර්මාණය ඔප්පු කරලා පෙන්නුවා ලංකාවේ ප්‍රේක්ෂකයෝ තවමත් ඉන්නවා කියලා.ඔවුන්ට හොද රසවින්දනයක් තියෙනවා කියලා. ”